The news is by your side.

Advertisement

شہباز شریف کی ضمانت منسوخی کے لیے نیب اپیل سماعت کے لیے مقرر

لاہور: مسلم لیگ ن کے صدر شہباز شریف کی ضمانت منسوخی کے لیے نیب کی اپیل سماعت کے لیے مقرر کرلی گئی۔

تفصیلات کے مطابق شہباز شریف کی ضمانت منسوخی کے لیے نیب کی اپیل سماعت کے لیے مقرر کرلی گئی ہے، چیف جسٹس کی سربراہی میں تین رکنی بینچ 3 دسمبر کو سماعت کرے گا۔

نمائندہ اے آر وائی نیوز کے مطابق بینچ فواد حسن فواد کی ضمانت منسوخی کی اپیل پر بھی سماعت کرے گا۔

رپورٹ کے مطابق جسٹس منصور علی اور جسٹس مظہر عالم میاں خیل بینچ میں شامل ہیں۔

واضح رہے کہ نیب ویسٹ شہباز شریف کیخلاف مینجمنٹ کمپنی اور آمدن سے زائد اثاثہ جات کیس ، منی لانڈرنگ کیس ، ایل ڈبلیو ایم سی کرپشن کیس اور چوہدری شوگر ملز کی تحقیقات کر رہا ہے جبکہ ویسٹ مینجمنٹ کیس میں شہباز شریف کو تین مرتبہ طلب کیاگیا مگروہ پیش نہیں ہوئے تھے۔

یاد رہے کہ شہباز شریف کو عدالت کی جانب سے ضمانت پر رہا کیا گیا تھا۔

خیال رہے کہ مسلم لیگ ن کے صدر شہباز شریف سابق وزیراعظم نواز شریف کے علاج کے سلسلے میں لندن میں موجود ہیں۔

fb-share-icon0
Tweet 20

Comments

comments

یہ بھی پڑھیں