site
stats
خیبر پختونخواہ

نیب کی کارروائی، زرعی بینک منیجر سمیت 4 اہلکار گرفتار

پشاور: نیب خیبر پختونخوا نے زرعی ترقیاتی بینک کی برانچ سرائے نورنگ میں کارروائی کرتے ہوئے غبن کے الزام میں برانچ منیجر سمیت 5 اہلکاروں کو گرفتار کر لیا۔

تفصیلات کے مطابق نیب خیبر پختونخوا نے 202 ملین روپے کے غبن کے الزام میں زرعی ترقیاتی بنک کے اہلکاروں کو گرفتار کر لیا، حکام کے مطابق کارروائی کر کے منیجر خوشدل خان سمیت 4 دیگر اہلکاروں کو لکی مروت سرائے نورنگ برانچ سے گرفتار کیا گیا ہے۔

نیب اعلامیے کے مطابق اہلکاروں کو ابتدائی تحقیقات مکمل ہونے کے بعد گرفتار کیا گیا ہے، گرفتار ملزمان نے جعلی چیک بک کے ذریعے 202 ملین روپے کا غبن کیا، تمام ملزمان سے تحقیقات میں اہم پیش رفت ہے۔

پڑھیں: ’’ خیبرپختونخوا، عوام سے 23 کروڑ لوٹنے والا اہلکار گرفتار ‘‘

یاد رہے رواں ہفتے نیب خیبرپختونخوا نے راولپنڈی میں کارروائی کرتے ہوئے سی ٹی اہلکار کو گرفتار کیا تھا، ملزم نے دورانِ ملازمت اختیارات سے تجاوز کرتے ہوئے جعلی کاغذات بنا کر زمینی فروخت کی تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top