لاہور: قومی احتساب بیورولاہورنے گجرانوالہ میں کروڑوں روپے مالیت کی کوآپریٹو ہاؤسنگ سوسائٹی کی ہزاروں ایکڑاراضی کے اسکینڈل میں ملوث لینڈ مافیا کے سات ملزموں کو گرفتار کرلیا ہے۔
نیب کی جانب سے جاری کردہ بیان کے مطابق گرفتارملزمان میں محکمہ کوآپریٹو گجرانوالہ کے افسران اور کوآپریٹوہاؤسنگ سوسائٹی کے ملازمین شامل ہیں۔
نیب نے اسٹنٹ رجسٹرارکوآپریٹو ڈیپارٹمنٹ گوجرانوالہ چوہدری فخرالزمان، سابق صدر سوسائٹی یعقوب لونا، سابق فنانس سیکرٹری ذکاء اللہ بھٹی، سابق ممبرلینڈ طارق اشرف خان، سوسائٹی کے سیکرٹری میاں غلام علی، نوید شوکت اوراحمد صادق کو گرفتار کیا ہے۔
ملزمان پر الزام عائد کیا گیا ہے کہ انہوں نے سوسائٹی کیلئے مہنگے داموں زمین خریدی اوربھاری کک بیکس وصول کرنے کے علاوہ سوسائٹی کے فنڈزمیں خرد برد کیا۔
ملزمان کو جسمانی ریماند حاصل کرنے کیلئے احتساب عدالت میں پیش کیا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں