لاہور:  نیب نے میاں شہبازشریف کے صاحبزادے سلمان شہباز کو طلب کرلیا ہے.

تفصیلات کے مطابق قومی احتساب بیورو (نیب) نے مسلم لیگ ن کے صدر شہباز شریف کے بیٹے کو تفتیش کے لیے  طلب کیا ہے.

نیب لاہورنے سلمان شہبازکو10 اکتوبر کو پیش ہونے کی ہدایت کی ہے.

اطلاعات کے مطابق شہبازشریف کے بیٹے کو آمدن سے زائد اثاثوں پرپوچھ گچھ کے لئے بلایا گیا ہے.

واضح رہے کہ مسلم لیگ ن کے صدر کو  نیب نے آشیانہ اسکینڈل میں گرفتار کیا تھا. نیب نے موقف اختیار کیا تھا کہ شہبازشریف نے بطور وزیراعلیٰ پنجاب اپنے اختیارا ت کا غلط استعمال کیا۔

 مزید پڑھیں: شہباز شریف کی گرفتاری، اب ہم ایوانوں اورسڑکوں پر جنگ لڑیں گے، حمزہ شہباز

مزید پڑھیں: قومی احتساب بیورو نے شہباز شریف کی گرفتاری کی بنیادی وجوہات بتادیں

ن لیگ کی جانب سے اس فیصلے پر کڑی تنقید کرتے ہوئے اداروں کے خلاف ہرزہ سرائی کی گئی. شہباز شریف کی پیشی کے موقع پر ن لیگی کارکنوں‌ نے ہلڑ بازی کی.

اب نیب نے میاں شہبازشریف کے صاحبزادے سلمان شہباز کو طلب کیا ہے، جن سے زائد اثاثوں پرپوچھ گچھ کی جائے گی.