The news is by your side.

نیب نے شہبازشریف سمیت متعدد ن لیگ رہنماؤں کے کرپشن کیسز بند کر دیئے

نیب قوانین میں ترامیم کے ثمرات سے موجودہ حکومت نےفائدہ اٹھانا شروع کر دیا۔

نیب قانون میں ترامیم کے بعد کرپشن انکوائریاں بند کرنے کا سلسلہ جاری ہے۔ نیب نے وزیراعظم شہباز شریف کے خلاف دومقدمات کی انکوائریاں بند کرنے کی منظوری دیدی۔

گورنر پنجاب بلیغ الرحمان کے خلاف بھی دو مقدمات کی انکوائریاں بند کرنے کی منظوری دیتے ہوئے کہا گیا ہے کہ تین سالوں کےدوران تحقیقات کے باوجود کرپشن کے ثبوت نہیں ملے۔

ایگزیکٹو بورڈ کی سفارشات پر چئیرمین نیب آفتاب سلطان نے انکوائریاں بند کرنے کی منظوری دی۔ نیب نے 2019 میں بہاولپور میں 14ہزار400کینال سرکاری اراضی منتقل کرنے پرانکوائریاں شروع کی تھیں۔ نیب ملتان نے سابق وزیراعلی پنجاب شبہاز شریف کو سوالنامہ اور طلبی کے نوٹسز بھجوائے تھے۔

چئیرمین نیب نے سرکاری اراضی کی منتقلی کا معاملہ سینئر ممبر بورڈآف ریونیو کو بھیجنے کی ہدایت کر دی۔ قانون میں ترمیم کے بعد سرکاری اراضی کی منتقلی کی تحقیقات پنجاب ریونیو اتھارٹی کرے گی۔

وزیر داخلہ رانا ثنااللہ کے خلاف آمدن سے زائد اثاثہ جات کی انکوائری بند کر دی گئی ہے۔ ن لیگی رہنما شاہنواز رانجھا اور رانا مشہو د کے خلاف بھی انکوائری بند کرنے کی منظوری دیدی۔

Comments

یہ بھی پڑھیں