اسلام آباد : نیب نے کرپشن کے الزام میں سابق وزیرِاعلی خیبرپختونخوامیر حیدر خان ہوتی کے مشیرسید معصوم علی شاہ اور لاہور سے آٹھ کروڑ روپے فراڈ کے مرکزی ملزم علی عثمان چوہدری کو بھی گرفتار کرلیا ہے۔
پنجاب اور صوبہ خیبرپختونخوامیں نیب کرپٹ اور بدعنوانیوں میں ملوث افراد کے خلاف سرگرم ہے، نیب نے سابق وزیرِاعلی خیبرپختونخوا کے مشیر سید معصوم شاہ کو اسلام آباد سے گرفتار کرلیا، ان پر کروڑوں روپے کے غیر قانونی اثاثہ جات کا الزام ہے، سید معصوم شاہ کا تعلق عوامی نیشنل پارٹی سے ہے۔
نیب نے ایک اور کارروائی میں ا سٹاک ایکسچینج میں آٹھ کروڑ روپے فراڈ کے مرکزی کردار علی عثمان چودھری کو لاہور سے گرفتار کرلیا، علی عثمان سکیورٹیز پر کھاتہ داروں کےآٹھ کروڑ روپے کے شیئرز غیر قانونی طور پر فروخت کرنے کا الزام ہے۔
اس کیس میں پیپلز پارٹی کے رہنماء قاسم ضیاء پہلے ہی گرفتار ہیں۔
