The news is by your side.

Advertisement

شریف فیملی کے خلاف العزیزیہ ریفرنس کی سماعت یکم اگست تک ملتوی

اسلام آباد: احتساب عدالت نے شریف فیملی کے خلاف العزیزیہ ریفرنس کی سماعت یکم اگست تک ملتوی کر دی، دوسری طرف نواز شریف نے اسلام آباد ہائی کورٹ میں متفرق درخواست دائر کر دی۔

تفصیلات کے مطابق سابق وزیرِ اعظم نواز شریف کے خلاف زیرِ سماعت العزیزیہ اور فلیگ شپ ریفرنسز کی سماعت احتساب عدالت نے یکم اگست تک ملتوی کر دی۔

احتساب عدالت میں ریفرنسز کی سماعت کے دوران نواز شریف کے وکیل خواجہ حارث کے معاون وکلا اور نیب پراسیکیوٹر سردار مظفر پیش ہوئے۔

وکیل نے احتساب عدالت کو بتایا کہ کل اسلام آباد ہائی کورٹ میں ایون فیلڈ ریفرنسز میں شریف خاندان کی سزا کی معطلی اور رہائی کی درخواستوں پر سماعت ہوگی۔

نواز شریف کی صحت بہتر ہونے لگی، رپورٹس تسلی بخش قرار

دریں اثنا نواز شریف نے اسلام آباد ہائی کورٹ میں متفرق درخواست دائر کر دی ہے، انھوں نے درخواست میں کہا ہے کہ احتساب عدالت کے جج محمد بشیر ان کے دو ریفرنسز پر سماعت نہ کریں۔

یاد رہے کہ شریف خاندان نے ایون فیلڈ ریفرنس میں سزا کی معطلی اور رہائی کے لیے اسلام آباد ہائی کورٹ میں درخواستیں دائر کی ہوئی ہیں، ان درخواستوں پر سماعت کل دو رکنی بینچ کرے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں