لاہور : نیب نے مسلم لیگ ن کے رہنما رانا ثنا اللہ کی ضمانت منظوری کا فیصلہ سپریم کورٹ میں چیلنج کرنے کا فیصلہ کرتے ہوئے ضمانت منسوخی کے لیے اپیل تیار کرلی۔
تفصیلات کے مطابق قومی احتساب بیورو (نیب) نے مسلم لیگ ن کے رہنما رانا ثنا اللہ کی ضمانت منظوری کا فیصلہ سپریم کورٹ میں چیلنج کرنے کا فیصلہ کرلیا۔
ذرائع کا کہنا ہے کہ پراسیکیوشن ٹیم نے راناثنااللہ کی ضمانت منسوخی کے لیے اپیل تیارکرلی، نیب نےاپنی اپیل میں راناثناللہ کوفریق بنایاہے۔
نیب اپیل میں کہا گیا ہے کہ لاہورہائیکورٹ نےحقائق کےبرعکس ضمانت کنفرم کی، راناثنااللہ کےاثاثےانکی آمدن سےمطابقت نہیں رکھتے ، سپریم کورٹ ضمانت منظورکرنے کا فیصلہ کالعدم قرار دے۔
خیال رہے عدالت نےآمدن سے زائد اثاثے کیس میں رانا ثناءاللہ کی عبوری ضمانت کنفرم کی تھی۔
