site
stats
پاکستان

شریف خاندان کے خلاف کرپشن کیس، نیب کو عدالتی ریکارڈ مل گیا

اسلام آباد: قومی احتساب بیورو نے شریف خاندان کے خلاف کرپشن ریفرنس دائر کرنے کے لیے سپریم کورٹ سے تصدیق شدہ ریکارڈ حاصل کرلیا۔

تفصیلات کے مطابق سپریم کورٹ کے احکامات کی روشنی میں نیب نے نوازشریف اور دیگر افراد کے خلاف کرپشن ریفرنس دائر کرنے کی تیاری مکمل کرتے ہوئے سپریم کورٹ سے تصدیق شدہ ریکارڈ حاصل کرلیا۔

نیب کو ملنے والے ریکارڈ میں مشترکہ تحقیقاتی کمیٹی کی مکمل رپورٹ اور عدالتی فیصلے کی کاپی شامل ہے تاہم قومی احتساب بیورو کو والیم ٹین کی کاپی فراہم نہیں کی گئی۔

ذرائع کا کہنا ہے کہ اگر نیب کو ریفرنس دائر کرنے کے دوران والیم 10 کی ضرورت پڑی تو کاپی حاصل کرنے کے لیے عدالت سے رجوع کیا جائے گا۔

یاد رہے پاناما کیس کی سماعت کرنے والے سپریم کورٹ کے بینچ نے جے آئی ٹی رپورٹ کی روشنی میں نوازشریف کو نااہل قرار دیتے ہوئے دیگر افراد کے خلاف نیب میں ریفرنس دائر کرنے کا حکم جاری کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top