اسلام آباد: نیب کی ٹیم نے سعودی عرب، دبئی اور لندن سے اہم دستاویزات حاصل کرلیں جو گلف اسٹیل فروخت اور سرمایہ کاری منتقل کرنے سے متعلق شریف خاندان کے دعویٰ کی تصدیق نہیں کرتیں۔
ذرائع کے مطابق نیب کی ٹیم نے دبئی، سعودی عرب اور لندن سے شریف خاندان کے خلاف مزید تصدیق شدہ دستاویزات حاصل کرلیں جن میں یو اے ای حکومت نے گلف اسٹیل فروخت کرنے کے دعویٰ کو جھوٹا قرار دے دیا۔
ذرائع کا کہنا ہے کہ دبئی حکومت کے پاس گلف اسٹیل کی فروخت اور سرمایے کی منتقلی کا کوئی ریکارڈ موجود نہیں اور حکام نے اس دعویٰ کو جھوٹا قرار دے دیا۔
ذرائع نے کہا کہ نیب کی ٹیم کو حاصل ہونے والی دستاویزات کے مطابق سعودی حکومت نے منی لانڈرنگ کے ذریعے پیسہ منتقل کرنے اور شریف خاندان کی جائیداد سے متعلق دستاویزات کی تصدیق کردی ہے، سعودی حکومت نے آئندہ بھی اپنا تعاون پیش کرنے کی یقین دہانی کروائی۔
ذرائع کے مطابق نیب کی ٹیم نے لندن میں موجود شریف خاندان کے اپارٹمنٹس کی دستاویزات حاصل کرلیں جن میں مریم نواز کے بینیفشل اونر ہونے کے ثبوت موجود ہیں، تینوں ممالک سعودی عرب، دبئی اور برطانیہ نے شریف خاندان کے مؤقف کی نفی کردی۔
ویڈیو دیکھیں
