The news is by your side.

Advertisement

نیب نے پیپلزپارٹی ایم این اے کو کلین چٹ دے دی

کراچی : نیب نے پیپلزپارٹی ایم این اے سردار محمد بخش مہر کو کلین چٹ دے دی اور انکوائری ختم کرنے کیلئے معاملہ چیئرمین نیب کو بھیج دیا۔

تفصیلات کے مطابق سندھ ہائی کورٹ میں پیپلز پارٹی ایم این اے سردار محمد بخش مہر کے خلاف نیب انکوائری سے متعلق سماعت ہوئی، نیب پراسیکوٹر نے بتایا کہ محمدبخش مہرکے خلاف شواہد نہیں ملے، انکوائری ختم کرنے کیلئے معاملہ چیئرمین نیب کوبھیج دیا ہے۔

نیب پراسیکوٹر کا کہنا تھا کہ چیئرمین نیب کے جواب تک مہلت دی جائے، جس پر آئندہ سماعت پر نیب سے محمد بخش مہر کی انکوائری سے متعلق جواب طلب کرلیا۔

عدالت نےمحمد بخش مہر کی عبوری ضمانت میں 11 مارچ تک توسیع کردی۔

نیب ذرائع کے مطابق سردار محمد بخش مہر پر پیپلز پارٹی کے سابق دور حکومت میں اختیارات کے ناجائز استعمال اور سرکاری ریکارڈ میں خوردبرد کے الزامات ہیں۔

Comments

یہ بھی پڑھیں