کراچی: انسداد دہشتگردی کی عدالت نے ڈاکٹرعاصم کے وکلاء کو دستاویزات کی فراہمی کی درخواست پر فیصلہ محفوظ کرلیا، مقدمےکی سماعت چار فروری تک ملتوی کردی گئی۔
ڈاکٹر عاصم کو کراچی انسداد دہشتگردی کی عدالت سخت سیکیورٹی میں لایا گیا، علاج کی سہولیات فراہم کر نے کے حوا لے سے انسداد دہشتگردی کی عدالت میں کیس کی سماعت ہوئی ۔
تفتیشی افسرنےعدالت کوبتایاکہ انیس قائمخانی اورقادر پٹیل کی وارنٹ کی تکمیل کےحوا لےسےایف آئی اےسےرابطہ کیاہے، عدالت نے تفتیشی افسر کی کارروائی میں سستی پر اظہار برہمی بھی کیا۔
سماعت کےدوران ڈاکٹرعاصم کےوکیل نے اپنے دلائل میں کہا کہ شام چھ بجے سے ڈاکٹرعاصم کیس کی سماعت مختلف چینلز پرشروع ہو جاتی ہے، وہیں ٹرائل ہوتا ہے اورفیصلہ بھی سنادیا جاتا ہے۔
سماعت کے دوران ڈاکٹر عاصم کے وکلاء کو دستاویزات کی فراہمی کی درخواست پراے ٹی سی نے فیصلہ محفوظ کرکے کیس کی سماعت چار فروری تک ملتوی کردیا۔
سماعت کےبعدعدالتی کارروائی پراطمینان کےحوالے سے پوچھے گئے اےآروائی نیوزکےسوال پرڈاکٹرعاصم نےنوکمنٹس کہا، ڈاکٹرعاصم کی اےٹی سی پیشی پرعدالتی احاطےمیں پولیس کی بھاری نفری تعینات تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں