The news is by your side.

Advertisement

نیب کی ہاؤسنگ سوسائٹیز کے نام پر فراڈ کیس میں تاریخی ریکوری

اسلام آباد : نیب راولپنڈی نے ہاؤسنگ سوسائٹیز کے نام پر دھوکا دہی کے مقدمے میں تاریخی ریکوری کرتے ہوئے عوام سے لوٹے گئے ایک ارب پچانوے کروڑ برآمد کر لئے۔

تفصیلات کے مطابق نیب راولپنڈی نے ہاؤسنگ سوسائٹیز کے نام پر دھوکا دہی کے مقدمے میں تاریخی ریکوری کرلی ، پلی بارگین کی درخواست احتساب عدالت  میں جمع کرادی گئی، جس میں بتایا گیا نیب راولپنڈی نے عوام سے لوٹے گئے1 ارب 95 کروڑبرآمد کر لیے ہیں۔

ڈی جی نیب راولپنڈی نے تاریخی ریکوری پر تفتیشی افسرسیماب قیصر کی تعریف کی، اعلامیے میں کہا گیا کہ رقم نیشنل ہاؤس بلڈنگ روڈز ڈویلپمنٹ کارپوریشن سے برآمد کی گئی، نیب راولپنڈی کی فراڈ مقدمات میں تاریخ کی سب سے بڑی ریکوری ہے۔

نیب اعلامیہ میں کہا گیا ہے کہ ملزم میاں وسیم نےتفتیش کے دوران جرم تسلیم کیا اور 1 ارب 95 کروڑپلی بارگین سے واپس کرنے پر رضامندی ظاہرکی، برآمد رقم متاثرین کو اسکروٹنی کے بعد واپس کی جائے گی۔

ہاؤسنگ سوسائٹی کی انتظامیہ نے پلی بارگین کے لیے درخواست دائرکی تھی، ملزم نےپرنٹ والیکٹرانک میڈیا پر غیر قانونی سوسائٹی کی تشہیرکی، ملزم میاں وسیم نے ہاؤسنگ سوسائٹی کے این او سی کے لیے اپلائی ہی نہیں کیاتھا۔

عرفان نعیم منگی کا کہنا ہے کہ نیب نےملک سےکرپٹ عناصراوربدعنوانی کے خاتمےکاتہیہ کررکھاہے، نیب کرپشن کےخلاف زیروٹالیرنس کی پالیسی پر عمل پیرا ہے۔

Comments

یہ بھی پڑھیں