The news is by your side.

Advertisement

نیب فلیگ شپ ریفرنس میں نوازشریف کی بریت کا فیصلہ چیلنج کرے گی

اسلام آباد: قومی احتساب بیورو (نیب) نے فلیگ شپ ریفرنس میں نوازشریف کی بریت کا فیصلہ چیلنج کرنے کا اعلان کر دیا.

تفصیلات کے مطابق آج چیئرمین نیب جسٹس (ر) جاوید اقبال کی زیرصدارت نیب ہیڈ کوارٹرزاسلام آباد میں اہم اجلاس ہوا.

اجلاس میں آج کے فیصلہ پر تبادلہ خیال ہوا، جس کے بعد فلیگ شپ ریفرنس میں نوازشریف کی بریت کو چیلنج کرنے کا فیصلہ کیا گیا.

چیئرمین نیب جسٹس (ر) جاوید اقبال کی زیرصدارت اجلا س میں قانونی ٹیم کو اس ضمن میں ہدایات جاری کی گئیں.

جسٹس (ر) جاوید اقبال نے کہا کہ ٹھوس شواہد اور قانون کے مطابق نوازشریف کی بریت کا فیصلہ چیلنج کیا جائے.

چیئرمین نیب کی جانب سے قانونی ماہرین اورڈی جیزنیب کو بروقت اپیل دائر کرنے کی ہدایت کی ہے.


مزید پڑھیں: العزیزیہ ریفرنس: نوازشریف کو سات سال قید کی سزا، کمرہ عدالت سے گرفتار


یاد رہے کہ آج سابق وزیراعظم نوازشریف کے خلاف العزیزیہ اسٹیل ملز اور فلیگ شپ ریفرنسز کا فیصلہ سنایا گیا، نواز شریف کو العزیزیہ میں مجرم قرار دیتے ہوئے گرفتار کرلیا ہے.

احتساب عدالت کے معزز جج محمد ارشد ملک نے سابق وزیراعظم نواز شریف کے خلاف مختصرفیصلہ سنایا، انھیں فلیگ شپ میں بری کیا گیا ہے جبکہ العزیزیہ میں سات سال کی سزا سنائی گئی ہے۔

Comments

comments

یہ بھی پڑھیں