اسلام آباد : قومی احتساب بیورو نے میڈیا پر پلی بارگین سے متعلق خبروں پر وضاحت دیتے ہوئے کہا ہے کہ پلی بارگین کی منظوری احتساب عدالت کرتی ہے۔

ترجمان قومی احتساب بیورو کی جانب سے جاری ایک بیان میں کہا گیا ہے کہ پلی بارگین نیب کے سیکشن 25بی کے تحت کی جاتی ہے جس میں ملزم اپنا جرم تسلیم کرتا ہے اور اعترافی بیان پر دستخط بھی کرتا ہے۔

ترجمان کا کہنا ہے کہ ملزم اپنے خلاف ثبوت دیکھنے کے بعد ہی پلی بارگین کرتا ہے، پلی بارگین دیگر ممالک میں بھی کی جاتی ہے، قانون کے مطابق پلی بارگین کے بعد ملزم10سال کیلئے الیکشن لڑنے کیلئے نااہل قرار پاتا ہے۔

نیب ترجمان نے قومی احتساب بیورو کی کارکردگی سے متعلق فصیلات بتاتے ہوئے کہا کہ اب تک466ارب روپے مختلف ملزمان سے برآمد کرکے قومی خزانے میں جمع کرائے۔