کراچی: بورڈ آف ریونیو کے افسران نے سرکاری خزانے کو ساڑھے 3 ارب سے زائد کا نقصان پہنچا دیا، نیب نے تحقیقات شروع کر دیں۔
تفصیلات کے مطابق قومی احتساب بیورو (نیب) نے بورڈ آف ریونیو کے افسران کے خلاف سرکاری خزانے کو ساڑھے 3 ارب سے زائد کا نقصان پہنچانے پر تحقیقات شروع کر دیں۔
[bs-quote quote=”بورڈ آف ریونیو کے افسران نے ملی بھگت سے سرکاری زمینوں کو فروخت کیا۔” style=”style-7″ align=”left” color=”#dd3333″ author_name=”نیب”][/bs-quote]
نیب کے مطابق بن قاسم ٹاؤن دیہہ جورجی میں سرکاری زمینوں کے خورد برد کا انکشاف ہوا ہے۔
نیب کراچی نے بورڈ آف ریونیو کے سینئر افسران کے خلاف انکوائری شروع کر دی، بورڈ آف ریونیو کے افسران نے ملی بھگت سے سرکاری زمینوں کو فروخت کیا۔
نیب نے کہا ہے کہ بد عنوانی کے ذریعے 562 ایکڑ زمین کو فروخت کیا گیا، افسران نے بد عنوانی کے ذریعے سرکاری خزانے کو اربوں روپے کا نقصان پہنچایا۔
یہ بھی پڑھیں: دنیا بھر سے ٹیکس چوروں کا بینک اکاؤنٹس ڈیٹا ملنا شروع
یاد رہے کہ فیڈرل بورڈ آف ریونیو (ایف بی آر) نے ٹیکس نادہندگان کے خلاف کارروائیاں تیز کر دی ہیں، اس سلسلے میں ایف بی آر کو دنیا بھر سے 50 ہزار بینک اکاؤنٹس کا ڈیٹا مل گیا ہے۔
ایف بی آر نے بتایا کہ پاکستانیوں کے بیرون ملک 50 ہزار اکاؤنٹس کا پتا چلا ہے، زیادہ تر افراد کا تعلق کراچی، لاہور اور اسلام آباد سے ہے۔ ایف بی آر کے مطابق اگلے 2 سال بیرون ملک بینکوں میں اکاؤنٹ رکھنا ممکن نہیں ہوگا۔
