اسلام آباد: نیب نے نندی پُورپاورپراجیکٹ کے متعلق ایک اورانکوائری کرنے کا فیصلہ کرلیا ہے۔
نیب نے نندی پور پاورپروجیکٹ چلنے کے بعدبند ہوجانے اورپراجیکٹ کے تخمینے کی لاگت میں اضافے کی تحقیقات کرنے کا فیصلہ کرلیاہے، نیب نندی پورپاورپروجیکٹ میں دیگربے ضابطگیوں کی بھی تحقیقات کرے گا۔
نیب ذرائع کے مطابق میگاکرپشن اوردیگرہائی پروفائل ملزمان سے متعلق انکوائری کا بھی فیصلہ کیا گیا ہے، جبکہ نیب راولپنڈی میں نندی پور پاورپروجیکٹ کی منظوری اوردیگر معاملات کی تحقیقات پہلے سے جاری ہیں۔
