The news is by your side.

Advertisement

کے پی کا سرکاری ہیلی کاپٹر استعمال کرنے پر نیب نے عمران خان کو طلب کر لیا

پی ٹی آئی چیئرمین کی جانب سے نیب کی تحقیقات کا خیر مقدم

لاہور: خیبر پختونخوا کا سرکاری ہیلی کاپٹر انتخابی مہم کے لیے استعمال کرنے پر قومی احتساب بیورو (نیب) نے پی ٹی آئی چیئرمین عمران خان کو طلب کر لیا۔

تفصیلات کے مطابق عمران خان نے انتخابی مہم کے دوران سرکاری ہیلی کاپٹر استعمال کرنے کے معاملے پر نیب کی جانب سے کی جانے والی تحقیقات کا خیر مقدم کیا۔

پی ٹی آئی چیئرمین کی جانب سے نیب میں درخواست جمع کراتے ہوئے کہا گیا ہے کہ عمران خان نیب میں پیش نہیں ہوسکتے، درخواست اُن کے وکیل بابر اعوان نے جمع کرائی۔

وکیل بابر اعوان نے نیب میں کہا کہ عمران خان آج اٹھارہ جولائی کو انتخابی مہم میں مصروف ہیں جس کے باعث وہ پیش نہیں ہوسکتے۔

بابر اعوان کا کہنا تھا کہ پی ٹی آئی چیئرمین الیکشن کے فوراً بعد نیب میں پیش ہوجائیں گے، عمران خان کے وکیل کی جانب سے جمع کرائی گئی درخواست نیب نے قبول کر لی۔

پنجاب پاور کمپنی اسکینڈل: شہبازشریف نے نیب میں طلبی کا نوٹس ہوا میں اڑا دیا

تحریک انصاف کے سربراہ نے نیب کی جانب سے تحقیقات کے آغاز پر خیر مقدم کرتے ہوئے کہا ہے کہ وہ سیاسی عزائم سے مبرّا ہو کر احتساب کی مکمل طور پر حمایت کرتے ہیں۔

واضح رہے کہ پی ٹی آئی چیئرمین ملک میں سیاست دانوں کے مکمل احتساب کے لیے پوری طاقت کے ساتھ آواز اٹھا رہے ہیں، ان کی جدوجہد کے نتیجے میں سابق وزیر اعظم نواز شریف جیل پہنچ گئے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں