The news is by your side.

Advertisement

آمدن سے زائد اثاثہ جات کی شکایات، وزیراعلیٰ پنجاب کے پرنسپل سیکرٹری کی نیب میں طلبی

لاہور : قومی احتساب بیورو (نیب) نے آمدن سے زائد اثاثہ جات کی شکایات پر وزیراعلیٰ پنجاب کے پرنسپل سیکرٹری طاہر خورشید کوطلب کرلیا، ان پرمن پسند افرادکو کروڑوں کے ٹھیکے دلانے کا بھی الزام ہے۔

تفصیلات کے مطابق نیب لاہور نے وزیراعلیٰ پنجاب کے پرنسپل سیکرٹری طاہر خورشید کوطلب کرلیا ، ذرائع کا کہنا ہے کہ طاہر خورشید کو 8 جولائی کو ذاتی حیثیت میں طلب کیا۔

طاہر خورشید پربطور سیکرٹری مواصلات آمدن سے زائد اثاثہ جات کی شکایات ہے اور ان پرمن پسند افرادکو کروڑوں کے ٹھیکے دلانے کا بھی الزام ہے۔

ذرائع کے مطابق نیب لاہور نے مختلف اداروں سے طاہر خورشید کےاثاثہ جات کی تفصیلات مانگ لیں ہیں ، اس سلسلے میں ایف بی آر، محکمہ ایکسائز، محکمہ ریونیو سمیت متعدداداروں کو خطوط ارسال کردیئے گئے ہیں۔

یاد رہے گذشتہ روز الیکشن کمیشن نے وزیراعلیٰ پنجاب عثمان بزدار کو اثاثوں میں تضاد پر نوٹس جاری کیا تھا ، جس کے بعد وزیراعلیٰ نے الیکشن کمیشن کے نوٹس کاجواب دیتے ہوئے مطلوبہ دستاویز جمع کرا دیں تھیں۔

الیکشن کمیشن نےعثمان بزدارکو وراثت میں ملنے والے اثاثوں پر نوٹس بھیجا تھا، ایف بی آر ریٹرنزاورالیکشن کمیشن ریٹرنز میں بھی تضادآرہا تھا، نوٹس ظاہرکیےگئےاثاثوں کےسالانہ گوشوارے میں مبینہ تضاد پر بھیجا گیا تھا۔

Comments

یہ بھی پڑھیں