The news is by your side.

Advertisement

نیب نے شہباز شریف کو 9 اپریل کو طلب کرلیا

لاہور: سابق وزیر اعلیٰ پنجاب اور اپوزیشن لیڈر شہباز شریف کو قومی ادارہ احتساب (نیب) نے 9 اپریل کو طلب کرلیا، نیب کی مشترکہ تحقیقاتی ٹیم (جے آئی ٹی) شہباز شریف سے تحقیقات کرے گی۔

تفصیلات کے مطابق نیب نے شہباز شریف کو آمدن سے زائد اثاثہ جات کیس میں 9 اپریل کو طلب کرلیا۔ نیب نے انہیں دیے گئے سوالات کے جواب کے لیے طلب کیا ہے۔

نیب نے 20 نومبر 2018 اور 3 دسمبر 2018 کو شہباز شریف کو سوالات دیے تھے۔

نیب نے گزشتہ ماہ شہباز شریف کی 2 بیگمات کے اثاثوں کی تفصیلات بھی حاصل کرلی تھیں۔ نصرت شہباز 69 لاکھ 56 ہزار 5 سو شیئرز کی مالک اور تہمینہ درانی کے پاس گوادر میں 4 کنال کے پلاٹ اور ایک ایکڑ بیش قیمت زمین کا انکشاف ہوا تھا۔

ذرائع کے مطابق 96 ایچ ماڈل ٹاؤن کی رہائش اور مری کا گھر نصرت شہباز کے نام ہیں، جن کی مالیت 18 کروڑ 65 لاکھ 81 ہزار 384 روپے ہے۔

نیب کا کہنا ہے کہ شہباز شریف نے تہمینہ درانی کو ڈیفینس سمیت 8 قیمتی پراپرٹیز تحفے میں دے رکھی ہیں، تہمینہ درانی کے پاس گوادر میں 4 کنال کا پلاٹ اور 1 ایکڑ بیش قیمت زمین بھی ہے۔

ذرائع کے مطابق نصرت شہباز کے اثاثوں کی مالیت 22 کروڑ 56 لاکھ 35 ہزار 970 جبکہ تہمینہ دروانی 57 لاکھ 65 ہزار کی مالک ہیں، نصرت شہباز کے پاس قصور اور فیروز والا میں 810 کنال کی زرعی زمین بھی ہے، جس کی مالیت صرف 26 لاکھ ظاہر کی گئی ہے۔

Comments

comments

یہ بھی پڑھیں