The news is by your side.

ملتان: میگا کرپشن اسکینڈل، مفرور ملزمان کے گرد نیب کا گھیرا تنگ

ملتان: میگا کرپشن اسکینڈل میں مطلوب مفرور ملزمان کے گرد نیب نے گھیرا تنگ کر دیا، مفرور ملزمان کی گرفتاری کے لیے ٹیمیں تشکیل دے دی گئیں۔

تفصیلات کے مطابق قومی احتساب بیورو (نیب) نے میگا کرپشن اسکینڈل میں مطلوب مفرور ملزمان کی گرفتاری کے لیے ٹیمیں تشکیل دے دیں۔

29 مفرور ملزمان اربوں کے فراڈ میں نیب کو گزشتہ کئی سال سے مطلوب ہیں۔

ذرائع نیب کا کہنا ہے کہ بہاول نگر اراضی اسکینڈل کا مرکزی ملزم سعید ظفر مفرور ہے، نیشنل بینک مظفر گڑھ، پنشن اسکینڈل میں ملوث کیشیئر منتظر مہدی بھی مفرور ہے۔

ذرائع کے مطابق ملزم سعید ظفر نے 1240 کنال اراضی غیر قانونی طور پر الاٹ کی تھی، جب کہ ملزم منتظر مہدی نے سرکاری ملازمین کی پنشن کی مد میں کروڑوں کا غبن کیا۔

مفرور ملزمان میں ریاض احمد، میاں نوید، عتیق الرحمان، ہمایوں بٹ اور دیگر بھی شامل ہیں، 29 مفرور ملزمان اربوں کے فراڈ میں نیب کو گزشتہ کئی سال سے مطلوب ہیں۔

نیب ذرائع کا کہنا ہے کہ ان مفرور ملزمان میں زیادہ تر جعلی کمپنیاں بنا کر شہریوں کو لوٹتے تھے۔


یہ بھی پڑھیں:  نیب کی کارروائی : سابق سرکاری افسر کے گھر سے33 کروڑ روپے برآمد، ملزم گرفتار


یاد رہے کہ تین روز قبل لاہور میں نیب کی ٹیم نے کارروائی کرتے ہوئے سابق سرکاری افسر کو گرفتار کر کے اس کے گھرسے 33 کروڑ روپے بر آمد کیے تھے، خواجہ وسیم بورڈ آف ریونیو میں گریڈ 16 کا ملازم تھا۔

ملک میں کرپشن کے خاتمے کے سلسلے میں چیئرمین نیب جسٹس (ر) جاوید اقبال کا کہنا ہے کہ بد عنوانی کے خلاف قانون کے تحت اقدامات کیے جا رہے ہیں، بلا تفریق بد عنوانی کے خاتمہ کے لیے ادارہ پُرعزم ہے۔

Comments

یہ بھی پڑھیں