The news is by your side.

Advertisement

نوازشریف کے اس طرح جانے سے عوام کو بھی شک ہوا ہے، ندیم افضل چن

اسلام آباد : ترجمان وزیراعظم ندیم افضل چن نے کہا ہے کہ نوازشریف کے اس طرح بیرون ملک جانے سے عوام کو بھی شک ہوا ہے، حکومت کی عدلیہ سے کوئی محاذ آرائی نہیں ہے۔

یہ بات انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کہی، ندیم افضل چن نے کہا کہ نواز شریف کے جانے پر عوام کی پریشانی دیکھیں، ان کے ایسے جانے پر عوام کو بھی شک ہوا۔

ندیم افضل چن نے کہا کہ گیم چینجر کے ٹوئٹ اور روک سکو تو روک لو جیسی گفتگو بھی دیکھیں، آصف زرداری نوازشریف سے زیادہ بیمار ہیں لیکن آصف زرداری کی جانب سے تو ایسا کوئی طبل جنگ نہیں بجایا گیا۔

انہوں نے کہا کہ تاثر نوازشریف کی طرف دیا گیا کہ ہم انہیں جانے دے رہے ہیں، ن لیگ کی جانب سے جو جشن منایا گیا اس سے بھی شک وشبہات پیدا ہوئے، حکومت تو اپنے طور پر قانون سازی کے بل لاتی رہی لیکن اپوزیشن نہ مانی، اپوزیشن ایک قانون سازی کا بل بتادے جو انہوں نے پیدا کیا ہو۔

ندیم افضل چن کا کہنا تھا کہ حکومت کی عدلیہ سے کوئی محاذ آرائی نہیں ہے، ن لیگ پرویز مشرف کے جانے سے پہلے کوئی گارنٹی لیتی تو آج وہ وطن واپس آچکے ہوتے۔

ایک سوال کے جواب میں ترجمان وزیراعظم کا مزید کہنا تھا کہ نئے پاکستان کی طرف سفرجاری ہے لیکن مافیا مضبوط ہے۔

fb-share-icon0
Tweet 20

Comments

comments

یہ بھی پڑھیں