The news is by your side.

Advertisement

2 سے ڈھائی ماہ میں 18 ہزار سے زائد گیس چوری کے کنکشن پکڑے، ندیم بابر

اسلام آباد: وزیراعظم کے معاون خصوصی برائے پیٹرولیم ندیم بابر کا کہنا ہے کہ آئل اورگیس کی ڈومیسٹک پروڈکشن کو بڑھانا ہوگا۔

تفصیلات کے مطابق وزیراعظم کے معاون خصوصی برائے پیٹرولیم ندیم بابر نے میڈیا سے گفتگو کرتے ہوئے کہا کہ آئل اور گیس سیکٹر معیشت کا اہم جز ہیں، پی پی ایل ، او جی ڈی سی ایل درست سمت سے ہٹ چکے تھے۔

انہوں نے کہا کہ دونوں اداروں کو دوبارہ درست سمت میں لارہے ہیں، اداروں کے بورڈز میں تجربہ کار اور قابل لوگ شامل کیے ہیں۔

وزیراعظم کے معاون خصوصی برائے پیٹرولیم ندیم بابر نے کہا کہ آئل اورگیس کی ڈومیسٹک پروڈکشن کو بڑھانا ہوگا۔

انہوں نے کہا کہ کمپنیوں سے رابطے، نئے 35 بلاکس کے ٹینڈرجاری کرنے جا رہے ہیں، کویت کے ساتھ معاہدہ ، ایک یورپی کمپنی سے بات چیت فائنل کی ہے۔

ندیم بابر نے کہا کہ 2 سے ڈھائی ماہ میں 18 ہزار سے زائد گیس چوری کے کنکشن پکڑے، گیس چوری سے خزانے کو2 ارب سے زیادہ کا نقصان پہنچ رہا تھا۔

وزیراعظم کے معاون خصوصی برائے پیٹرولیم نے کہا کہ سوئی ناردرن کے حوالے سے اوور بلنگ کی شکایات آئیں، اوگرا نے تحقیقات کے بعد 2.8 بلین کی اوور بلنگ کی رپورٹ دی۔

انہوں نے کہا کہ ایس ایس جی سی سے متعلق بھی اوور بلنگ کی شکایات موصول ہوئیں، ایل این جی کنٹریکٹ اسکینڈل کے حوالے سے تحقیقات چل رہی ہیں۔

ندیم بابر نے کہا کہ 5 بڑی پیٹرولیم کمپنیوں کے بورڈز تبدیل کیے گئے ہیں، کسی بھی کمپنی کے آپریشنز میں کوئی مداخلت نہیں کررہے، کیکڑا میں گیس نہیں نکلی تو کوئی بات نہیں، آف شورمیں مزید کام کریں گے۔

Comments

comments

یہ بھی پڑھیں