شوبز انڈسٹری کے معروف اداکار بابر علی اور نادیہ حسین کی دلچسپ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر ماڈل و اداکارہ نادیہ حسین نے مزاحیہ ویڈیو شیئر کی جس میں اداکارہ اور بابر علی ڈائیلاگ پر لپسنگ کررہے ہیں۔
ویڈیو میں بابر علی اور نادیہ حسین کے ساتھ ایک لڑکا اور لڑکی بھی موجود ہیں۔
مزاحیہ ویڈیو میں بابر علی کہتے ہیں کہ ’رول، کیمرہ، ایکشن، پھر کرسی پر موجود لڑکے کو ڈائیلاگ بولنے کو کہا جاتا ہے۔‘
نادیہ حسین اور بابر علی لڑکے سے کہتے ہیں کہ ڈائیلاگ بول، ارے ڈائیلاگ بول۔ اسی اثنا میں کرسی پر براجمان لڑکا ڈائیلاگ بولنے کے بجائے صرف اتنا کہتا ہے کہ ’ڈائیلاگ۔‘
لڑکے کا یہ بولنا تھا کہ بابر علی اور نادیہ حسین مایوسی کا اظہار کرتے ہیں۔
View this post on Instagram
نادیہ حسین نے چند گھنٹوں قبل یہ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر دلچسپ تبصرے بھی کررہے ہیں۔
واضح رہے کہ نادیہ حسین، بابر علی کے ساتھ اکثر دلچسپ ویڈیو شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی نادیہ حسین نے مزاحیہ ویڈیو شیئر کی تھی جو وائرل ہوگئی تھی۔
View this post on Instagram
