کراچی: گزشتہ سال بریسٹ کینسر کو شکست دینے والی پاکستان شوبز انڈسٹری کی معروف اداکارہ نادیہ جمیل نے 2021 کو خوش آمدید کرتے ہوئے 2020 اور کینسر کو الوداع کہہ دیا۔
شوبز انڈسٹری کی سینئر اداکارہ نادیہ جمیل نے سماجی رابطے کی ویب سائٹ ٹویٹر پر اپنی نئی تصویر شیئر کی جس میں وہ خوشگوار موڈ میں دکھائی دے رہی ہیں۔
نادیہ جمیل نے تصویر شیئر کرتے ہوئے کیپشن لکھا کہ ’اسلام و علیکم 2021، الوداع کینسر اور 2020۔
اداکارہ نے لکھا کہ میں اس رب کی شکر گزار ہوں جس نے مجھے زندگی بخشی، الحمد للہ آج جب سانس لیتی ہوں تو یہ ایک معجزے کی طرح لگتا ہے۔
Asalamalaikum 2021. Goodbye 2020. Goodbye Cancer. Shukar Alhamdolillah 4 being alive,4 every breath that seems like a beautiful miracle. For you. My beautiful, supportive, kind, social media family. Thinking of you always makes me smile.May this year bring us happiness InshaAllah pic.twitter.com/LDwWFYPjn2
— Nadia Jamil (@NJLahori) January 8, 2021
انہوں نے مداحوں کو مخاطب کرتے ہوئے لکھا کہ ’میری خوبصورت سوشل میڈیا فیملی کا بھی شکریہ جنہوں نے ہر لمحہ مجھے سپورٹ کیا، جب میں اپنی سوشل میڈیا فیملی کے بارے میں سوچتی ہوں تو میرے چہرے پر مسکراہٹ آجاتی ہے۔‘
نادیہ جمیل نے لکھا کہ ’انشا اللہ یہ سال ہمارے لیے خوشیوں سے بھرپور ہوگا۔‘
یاد رہےکہ نادیہ جمیل نے گزشتہ سال 3 اپریل کو ایک ٹوئٹ کے ذریعے اپنے مداحوں کا اِس بات سے آگاہ کیا تھا کہ اُن کو بریسٹ کینسر کی تشخیص ہوئی ہے، نادیہ جمیل نے بین الاقوامی سطح پر اس مرض کا علاج کروایا جس کے بعد وہ بریسٹ کینسر کو شکست دینے میں کامیاب ہوئیں۔