ٹی وی میزبان نادیہ خان جو اکثر اپنے بیان کی وجہ سے شہ سرخیوں میں رہتی ہیں، طنز کے بعد ہانیہ عامر کی فلم کی تعریف پر تنقید کی زد میں آگئیں۔
بھارتی پنجابی فلم ’سردار جی 3‘ کا ٹریلر گزشتہ دنوں ریلیز ہوا ہے جس کے بعد نادیہ خان کی ایک کلپ وائرل ہورہی ہے جس میں وہ فلم میں کردار پر ہانیہ کو سراہتی نظر آرہی ہیں، اپنے پچھلے موقف کے برعکس نادیہ نے بھارتی فلم انڈسٹری میں اچھا کام کرنے پر ہانیہ عامر کی تعریف کی۔
میزبان نادیہ خانے کا کہنا تھا کہ سردار جی 3 بنانے والے اور اس میں کام کرنے والے سب اداکار سکھ ہیں جو کسی سے نہیں ڈرتے اور میں ان کی حکمت عملی کی تعریف کرتی ہوں کہ وہ خاموش رہے۔
انھوں نے مزید کہا کہ فلم سے قبل اداکاروں نے قیاس آرائیوں کا جواب نہیں دیا اور لوگوں کو اس بات پر یقین کرنے دیا کہ ہانیہ فلم میں نہیں ہونگی۔
پاکستانی سینئر اداکارہ نے مزید کہا کہ ان سب پر دلجیت دوسانجھ بھی خاموش رہے فلم کا ٹریلر ریلیز ہوگیا ہے اور ہانیہ کا اس میں کردار زبردست ہے۔
نادیہ خان کے اتنے بڑے یوٹرن کے بعد سوشل میڈیا صارفین نادیہ خان پر سخت تنقید کررہے ہیں کہ پہلے انھوں نے کس طرح کی باتیں کی اور اب کیسی میٹھی بن رہی ہیں، کئی لوگ انھیں ماضی میں دیا گیا فلم کے حوالے سے بیان بھی یاد کروارہے ہیں۔
سردار جی 3 کے ٹریلیر کی ریلیز سے کافی دنوں قبل نادیہ خان نے پاک بھارت کشیدگی کے دوران اپنے ایک بیان میں کہا تھا کہ ہانیہ عامر بھارت پر اپنا وقت ضائع کر رہی ہیں، تاہم انھوں نے ہانیہ کی تعریفیں شروع کردی ہیں.
سردار جی 3 کا ٹریلر ریلیز، ہانیہ عامر کے مداح خوشگوار حیرت میں مبتلا
