The news is by your side.

Advertisement

ایم کیوایم نے پیپلز پارٹی کے خلاف احتجاج کا اعلان کردیا

لندن : ایم کیو ایم نے پیپلز پارٹی کے خلاف احتجاج کا اعلان کردیا۔ متحدہ قومی موومنٹ کے رہنماء ندیم نصرت نے کہا ہے کہ پیپلزپارٹی ایم کیوایم کیخلاف اوچھے ہتھکنڈوں پراترآئی ہے۔

ایم کیو ایم کی نمائندگی رکھنے والے علاقوں میں لوگوں کو پریشانیوں میں ڈالا جارہا ہے، ان خیالات کا اظہار ایم کیو ایم رابطہ کمیٹی کےقائم مقام کنوینرندیم نصرت نے اپنے ایک جاری بیان میں کیا.

ایم کیو ایم نے اپنے خلاف سازشوں کا ذمہ دار پیپلز پارٹی کو ٹھہرا کر جلد پُر امن احتجاج کا اعلان کردیا ہے۔

ندیم نصرت کا کہنا تھا کہ ایم کیوایم کے نامزد میئر کراچی اوردیگررہنماوٴں پر روزانہ نئے نئے مقدمات درج کراودئیے جاتے ہیں۔

ڈسٹرکٹ ویسٹ اورڈسٹرکٹ ساؤتھ میں ایم کیوایم کوحاصل ہونیوالی اکثریت کو اقلیت میں بدلنے کی بھی درپردہ سازشیں ہورہی ہیں۔

انہوں نے کہا کہ ایم کیو ایم کےکارکن ماضی کی طرح اس بار بھی سازشوں کوناکام بنانے کیلئے ذہنی وجسمانی طورپر تیارہوجائیں۔

Comments

comments

یہ بھی پڑھیں