کراچی : نیشنل ڈیٹا بیس رجسٹریشن اتھارٹی (نادرا) نے پاکستان بھر میں رجسٹریشن سینٹرز پر ہر جمعے کو بطور ’’یوم خواتین‘‘ منانے کا اعلان کردیا۔
تفصیلات کے مطابق نیشنل ڈیٹا بیس رجسٹریشن اتھارٹی (نادرا) کی جانب سے خواتین کیلئے اچھی خبر آگئی۔
نادرا نے پاکستان بھر میں رجسٹریشن سینٹرز پر ہر جمعے کو بطور ’’یوم خواتین‘‘ منانے کا اعلان کیا ہے۔
ترجمان کا کہنا ہے کہ اس دن عملہ صرف خواتین کے امور ہی انجام دے گی، اور انہیں عملے کا ہرممکن تعاون حاصل ہوگا۔
ہر جمعہ کو خواتین رجسٹریشن سینٹر جاکر ترجیحی بنیادوں پر اپنا اندراج کرواسکیں گی، نادرا نے اس دن کے موقع پر خواتین کیلئے پیغام دیا ہے کہ ’’آپ ہمارا فخر ہیں‘۔
نادرا کی جانب سے مزید کہا گیا ہے کہ نادرا کا عملہ رجسٹریشن کے عمل کے ہر مرحلے میں آپ کی مدد کے لیے موجود ہے، اس جمعہ کو اپنے قریبی رجسٹریشن سنٹر پر جائیں اور ترجیحی بنیاد پر اپنا رجسٹریشن کروائیں۔
