اسلام آباد: نیشنل ڈیٹا بیس اینڈ ریگولیٹری اتھارٹی (نادرا ) نے وفاقی تحقیقاتی ادارے (ایف آئی اے) کے ڈیٹا ہیکنگ کے دعوے کی تردید کردی۔
نادرا کے ترجمان نے ایڈیشنل ڈائریکٹر ایف آئی اے طارق پرویز کے قومی اسمبلی کی قائمہ کمیٹی برائے انفارمیشن ٹیکنالوجی کے اجلاس میں دیے گئے بیان کی سختی سے تردید کی ہے۔
ترجمان نادرا نے اپنے بیان میں کہا کہ عوام کا بائیومیٹرک ڈیٹا مکمل طور پر محفوظ ہے، نادرا کا بائیومیٹرک ڈیٹا ہیک نہیں ہوا۔
نادرا ترجمان نے مزید کہا کہ ایف آئی اے کا بائیومیٹرک ڈیٹا کے ہیک ہونے کے متعلق بیان غلط فہمی اور ناسمجھی پر مبنی ہے۔ انہوں نے بتایا کہ نادرا نے ایف آئی اے سے غیر ضروری اور غلط بیانی پر مبنی بیان کی وضاحت کی ہے۔
ایف آئی اے کا بائیومیٹرک ڈیٹا کے ہیک ہونے کے متعلق بیان غلط فہمی اور ناسمجھی پر مبنی ہے: ترجمان
نادرا نے ایف آئی اے سے غیر ضروری اور غلط بیانی پر وضاحت طلب کرلی: ترجمان نادرا
2/2@ReplyTariq— NADRA (@NadraPak) November 25, 2021
قبل ازیں ایف آئی اے کے ایڈیشنل ڈائریکٹر طارق پرویز نے آج قومی اسمبلی کی قائمہ کمیٹی برائے انفارمیشن ٹیکنالوجی (آئی ٹی) کو بتایا تھا کہ ’نادرا کا ڈیٹا ہیک ہونے کی وجہ سے مسائل میں اضافہ ہوا، ڈیٹا ہیک ہونے سے ہیکرز باآسانی فراڈ کرتے ہیں۔‘
بعد ازاں ایف آئی اے نے ایک بیان جاری کیا اور کہا کہ اس نے قائمہ کمیٹی کے اجلاس میں ڈیٹا ہیکنگ سے متعلق کوئی بات نہیں کی، ایڈیشنل ڈائریکٹر کے بیان کو توڑ مروڑ کر غلط انداز سے پیش کیا گیا۔
*Clarification about Hacking of NADRA’s data.
It is clarified that no such statement was given about Hacking of data which has been misrepresented.FIA categorical denied the news aired on Dawn news which is not based on facts.
FIA authorities— Federal Investigation Agency – FIA (@FIA_Agency) November 25, 2021
ایف آئی اے نے بھی ڈیٹا ہیکنگ سے متعلق خبر کی تردید کرتے ہوئے اسے حقائق کے منافی قرار دیا۔
