نیشنل ڈیٹا بیس اینڈ رجسٹریشن اتھارٹی (نادرا) نے چائلڈ رجسٹریشن سرٹیفکیٹ (سی آر سی، ب فارم) کے اجرا کی پالیسی میں کسی تبدیلی کی افواہوں کی تردید کردی ہے۔
سماجی رابطے کی ویب سائٹ ایکس (ٹوئٹر) پر نادرا کی جانب سے کہا گیا ہے کہ نادرا کی جانب سے ’فارم ب‘ کے اجرا کی پالیسی میں کوئی تبدیلی نہیں کی گئی اور نہ ہی کسی قسم کی کوئی تبدیلی زیرغور ہے۔
نادرا نے واضح کیا ہے کہ ’فارم ب‘ کے حصول کے لیے کسی طرح کی کوئی ڈیڈ لائن بھی مقرر نہیں کی گئی۔
پوسٹ میں مزید کہا گیا ہے کہ بعض حلقوں کی جانب سے انٹرنیٹ پر سامنے آنے والے کچھ بیانات حقائق کے منافی ہیں اور شہریوں کو گمراہ کرنے کا باعث بن رہے ہیں۔
نادرا کی جانب سے "فارم ب" کے اجراء کی پالیسی میں کوئی تبدیلی نہیں کی گئی اور نہ ہی کسی قسم کی کوئی تبدیلی زیرغور ہے۔
"فارم ب" کے حصول کے لئے کسی طرح کی کوئی ڈیڈلائن بھی مقرر نہیں کی گئی۔
بعض حلقوں کی جانب سے انٹرنیٹ پر سامنے آنے والے کچھ بیانات حقائق کے منافی ہیں اور شہریوں کو…— NADRA (@NadraPak) December 18, 2023
ذمہ دار شہری ہونے کا تقاضا ہے کہ اس طرح کی غلط خبریں پھیلانے سے گریز کیا جائے۔
واضح رہے کہ نادرا کی طرف سے جاری کردہ فارم ب 18 سال سے کم عمر بچوں کے اندراج کیلئے استعمال کیا جاتا ہے، اسے بچوں کے پاسپورٹ ، اسکول میں داخلے یا بیرون ممالک سفر کیلئے استعمال کیا جاسکتا ہے۔
