کراچی : نیشنل ڈیٹا بیس اینڈ رجسٹریشن اتھارٹی (نادرا) نے آنکھوں کے ذریعے بائیو میٹرک تصدیق کا نیا نظام متعارف کرا دیا، آنکھوں سے شناخت میں غلطی کا امکان نہ ہونے کے برابر ہے۔
تفصیلات کے مطابق نیشنل ڈیٹا بیس اینڈ رجسٹریشن اتھارٹی (نادرا) نے آنکھوں کے ذریعے بائیو میٹرک تصدیق کا نیا نظام ‘آئرس’ متعارف کرا دیا۔
ترجمان کا کہنا ہے کہ آئرس شناختی نظام انگلیوں کے نشان اور چہرے کی شناخت نظام کے ساتھ استعمال ہوگا، آنکھوں سے شناخت میں غلطی کا امکان نہ ہونے کے برابر ہے۔
ترجمان نے کہا کہ یہ نظام قابل اعتبار، درست ہے، کم عمری میں کیا جانے والااسکین عمر بھر مستقل شناخت کے طور پر استعمال ہوسکتا ہے۔
نادرا کے چیئرمین طارق ملک نے کہا کہ ڈیٹا بیس اتھارٹی کی جانب سے آنکھوں کے ذریعے شناختی تصدیق شہریوں کی شناخت کو محفوظ بنانے میں ایک اہم پیشرفت کی نشاندہی کرتی ہے۔
