The news is by your side.

Advertisement

ستائیس ستمبر کا مظاہرہ کشمیرکیلئے آخری جنگ کی ابتدا ہے، نعیم الحق

نیویارک : معاون خصوصی سیاسی امور نعیم الحق نے کہا ستائیس ستمبر کا مظاہرہ کشمیر کیلئے آخری جنگ کی ابتدا ہے، جس کے بعد آزادی کشمیر کی تحریک میں نئی جان پڑ ےگی۔

تفصیلات کے مطابق معاون خصوصی سیاسی امور نعیم الحق نے امریکا میں پاکستانیوں اور کشمیریوں کے جلسے سے خطاب میں کہا کہ مودی کیخلاف ستائیس ستمبر کا مظاہرہ کشمیرکیلئے آخری جنگ کی ابتدا ہے، ستائیس تاریخ کے بعد آزادی کشمیرکی تحریک میں نئی جان پڑے گی، اب ہمارا امتحان ہے کہ ہم کس حدتک جائیں گے۔

یاد رہے 27 ستمبر کو نیویارک میں مودی کے خلاف احتجاجی مظاہرہ کیا جائے گا، مظاہرے میں پاکستانی، کشمیری سکھ، ہندو اور دیگر مذاہب کے ممالک شرکت کریں گے، مودی کے خلاف بڑے مظاہرے کے پیش نظر نیویارک پولیس نے ایڈوائزری جاری کردی ہے۔

مزید پڑھیں : 27 ستمبر کو نیویارک میں بھارتی وزیراعظم نریندر مودی کے خلاف مظاہرے کی دھوم

جس کے مطابق اسٹریٹ 42 سے 57 تک پولیس کی ایک ہزار گاڑیاں تعینات ہوں گی، مظاہرین کی رسائی آسان بنانے کے لیے پولیس تمام تر انتظامات سنبھالے گی جبکہ نیویارک پولیس نے 27 ستمبر کو مین ہٹن میں بڑی گاڑیوں کا داخلہ بند کرنے کا اعلان کردیا، سڑکیں بلاک کرنے والی گاڑیاں مڈ ٹاؤن مین ہٹن میں پہنچائی جائے گی۔

اس سے قبل وزیراعظم کے معاونِ خصوصی زلفی بخاری نے کہا ہے کہ اقوامِ متحدہ کے باہر 27 ستمبر کو کشمیریوں کے حق میں تاریخی مظاہرہ ہوگا۔ اقوام متحدہ کے باہر 27 ستمبر کو تاریخی مظاہرہ ہوگا۔

انھوں نے کہا عمران خان مشن کشمیرپرنیو یارک پہنچےہیں، صدر ٹرمپ کے ساتھ ان کی اہم ملاقات ہوگی، امریکی صدر ٹرمپ وزیراعظم پاکستان عمران خان کو پسند کرتے ہیں،  عمران خان عالمی رہنماؤں کوکشمیرکی صورتحال پراعتمادمیں لیں گے۔

خیال رہے وزیراعظم عمران خان 27ستمبرکواقوام متحدہ کی جنرل اسمبلی سےخطاب کریں گے، اپنے خطاب میں وہ مقبوضہ کشمیرمیں بھارتی بربریت کے معاملے کو اٹھائیں گے۔

Comments

comments

یہ بھی پڑھیں