اسلام آباد : وزیر اعظم عمران خان کے معاون خصوصی برائے سیاسی امور اور دیرینہ ساتھی نعیم الحق کی طبیعت اچانک بگڑ گئی، جس کے بعد انہیں انتہائی نگہداشت کے وارڈ میں شفٹ کردیا گیا ہے۔
تفصیلات کے مطابق وزیراعظم کے معاون خصوصی نعیم الحق کی طبیعت شدید ناساز ہوگئی، نعیم الحق کو اسلام آباد سے کراچی کے نجی اسپتال کے آئی سی یو میں منتقل کردیا گیا ہے۔
گزشتہ ہفتے وزیر اعظم عمران خان نے نعیم الحق کی ان کے گھر پر عیادت کی تھی جس میں انہیں انتہائی کمزور حالت میں دیکھا جاسکتا ہے۔
ڈاکٹرز کی جانب سے علاج جاری ہے، حلقہ احباب کی جانب سے دعا کی اپیل کی گئی ہے، تحریک انصاف کے بانی رہنما نعیم الحق گزشتہ کئی ماہ سے شدید علیل ہیں، وزیراعظم عمران خان بھی گزشتہ ہفتے نعیم الحق کی عیادت کر چکے ہیں۔
