The news is by your side.

Advertisement

اداکارہ نیمل خاور خان کی تصویر مداحوں کو بھا گئی

لاہور : پاکستان شوبز کی سابق اداکارہ نیمل خاور خان کی تصویر سوشل میڈیا پر وائرل ہوگئی، ان کے مداحوں کی جانب سے ان کو اس انداز میں بے حد پسند کیا جارہا ہے۔

سماجی رابطے کی فوٹو اینڈ ویڈیو شیئرنگ ایپ انسٹا گرام پر اداکارہ نیمل خاور خان نے ایک تصویر شیئر کی ہے جس میں سبز رنگ کی شرٹ اور کالی پینٹ زیب تن کی ہوئی ہیں۔

تصویر میں دیکھا جاسکتا ہے کہ اداکارہ کے ہاتھ میں ایک چھوٹا سا ہینڈ بیگ بھی موجود ہے جو اس لباس کے کنٹراس کے لحاظ سے بہت دیدہ زیب لگ رہا ہے۔

اس تصویر کے کیپشن میں اداکارہ نیمل خاور خان نے لکھا کہ "میرے خیال میں سبز میرا پسندیدہ رنگ بنتا جا رہا ہے”۔ جس کے جواب میں مداحوں نے بھی ان کے اس خیال کی تائید کی۔

اداکارہ نیمل خاور خان اس لباس میں بے حد خوبصورت لگ رہی ہیں جسے مداحوں کی جانب سے بہت پسند کیا جا رہا ہے اور سوشل میڈیا پر صارفین کی جانب سے اداکارہ کی خوبصورتی کی تعریفیں بھی کی جا رہی ہیں۔

واضح رہے کہ معروف اداکار حمزہ علی عباسی اور اداکارہ نیمل خاور 2019 کو رشتہ ازدواج میں منسلک ہو گئے تھے، ان کے ہاں 30 جولائی 2020 کو بیٹے کی پیدائش ہوئی تھی جس کا نام انہوں نے مصطفیٰ عباسی رکھا ہے، اداکارہ نے شادی کے بعد شوبز سے علیحدگی کا فیصلہ کیا تھا۔

Comments

یہ بھی پڑھیں