پاکستان کی معروف اداکارہ نیمل خاور نے اداکار حمزہ علی عباسی کو ڈریم پارٹنر قرارا دیا اور بتایا کہ ان کی حمزہ سے پہلی ملاقات کہاں ہوئی تھی۔
نیمل خاور اور حمزہ علی عباسی پاکستان کی ایک ایسی جوڑی ہے جسے ہر کوئی پسند کرتا ہے، ان کی مداحوں کی بہت بڑی تعداد ہے اور ان کی خوبصورت شادی کے بعد سے مداح انہیں فالو کر تے ہیں۔
نیمل خاور نے اپنے پہلے ڈرامے ’انا‘ میں عزا کا کردار ادا کرنے کے بعد انڈسٹری میں نام بنا لیا تھا لیکن اداکارہ نے مختصر وقفے کے لیے انڈسٹری چھوڑ کر شادی کر لی تھی۔
تاہم شو میں گفتگو کرتے ہوئے اداکارہ نیمل نے پہلی بار یہ بھی بتایا کہ ان کی حمزہ سے ملاقات کیسے ہوئی۔
اداکارہ نے بتایا کہ وہ ایک ڈرامے کی شوٹنگ کر رہی تھیں جہاں ان کی حمزہ سے مختصر ملاقات ہوئی، حمزہ نے مجھے بعد میں میسج کیا اور کہا کہ میں ان کے لیے ایک پینٹنگ بناؤں۔
اداکارہ نے بتایا کہ میں نے پینٹنگ بنائی لیکن حمزہ تعلیم کے لیے بیرون ملک چلے گئے لیکن ہم دونوں ایک دوسرے سے رابطے میں تھے، بعد ازاں انہوں نے اپنے والدین کو میرے گھر بھیجا پھر ہمارے والدین کے درمیان ون آن ون ملاقات ہوئی جس کے بعد شادی کی فکسڈ ہوگئی۔
نیمل کا کہنا تھا کہ میں بہت خوش قسمت ہوں، میں نے اللہ سے جو مانگا تھا، مجھے ویسا بھی شوہر ملا، میں نے اللہ سے مانگا تھا کہ میرے جس سے شادی ہو اس کے دل میں اللہ کا خوف ہو۔
