22.9 C
Ashburn
جمعرات, مئی 23, 2024
اشتہار

نجم سیٹھی پاک بھارت میچ بارش کی نذر ہونے پر اے سی سی پر برہم

اشتہار

حیرت انگیز

نجم سیٹھی پاکستان بھارت کا میچ بارش کی نذر ہونے پر اے سی سی پر برہم ہوگئے اور اس کے غلط فیصلے کی نشاندہی بھی کردی۔

سابق سربراہ پاکستان کرکٹ بورڈ نے ٹوئٹر پر ایک پوسٹ شیئر کی ہے جس میں انھوں نے کرکٹ کے سب سے بڑے مقابلے کے یوں بے نتیجہ ختم ہونے پر اپنے جذبات کا اظہار کرتے ہوئے کہا ہے کہ انھوں نے پہلے ہی اے سی سی سے میچز متحدہ عرب امارت میں رکھنے کی سفارش کی تھی۔

نجم سیٹھی نے سوشل میڈیا پوسٹ میں کہا کہ یہ مایوس کن ہے کہ کرکٹ کا سب سے بڑا میچ یوں بارش سے متاثر ہو، ان دنوں میں سری لنکا میں برسات ہوتی ہے۔

- Advertisement -

انھوں نے کہا کہ ’’ پی سی بی کے سربراہ کے طور پر اے سی سی پر زور دیا تھا کہ ایشیا کپ کے میچز یو اے ای میں رکھیں تاہم سری لنکا کو ایونٹ دینے کے لیے مختلف بہانے بنائےگئے، یہ کہا گیا کہ یو اے ای میں گرمی ہوگی۔‘‘

سابق پی سی بی سربراہ نے نشاندہی کرتے ہوئے کہا کہ متحدہ عرب امارات میں ویسا ہی موسم ہوتا ہے جیسا ماضی میں کھیلے گئے ایشیا کپ اور آئی پی ایل کے دوران تھا، کھیلوں پر سیاست کو ترجیح دینا ناقابل معافی عمل ہے۔

واضح رہے کہ پاکستان اور بھارت کا ہائی وولٹیج میچ بارش کے باعث بے نتیجہ ختم ہوگیا جس کے باعث شائقین کو مایوسی کا سامنا کرنا پڑا۔

بھارت نے پہلے کھیلتے ہوئے اپنی تمام وکٹیں کھو کر 266 رنز اسکور کیے تھے، شاہین نے عمدہ بولنگ کرتے ہوئے پھر سے بھارتی ٹاپ آرڈر کو پویلین بھیجنے میں اہم کردار ادا کیا اور 4 وکٹیں حاصل کی تھیں، تاہم بارش کے باعث پاکستان کی بیٹنگ نہ آسکی اور دنوں ٹیموں کو ایک ایک پوائنٹ دے دیا گیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں