The news is by your side.

Advertisement

ستمبرسے نومبرتک غیرملکی ٹیمیں پاکستان آئیں گی، نجم سیٹھی

لاہور : چیئرمین پی سی بی نجم سیٹھی نے کرکٹ شائقین کو خوشخبری سنائی ہے کہ رواں سال ستمبر سے نومبر تک ورلڈ الیون، سری لنکا اور ویسٹ انڈیز کی کرکٹ ٹیمیں پاکستان آئیں گی۔

تفصیلات کے مطابق پاکستان میں آٹھ سال بعد انٹرنیشنل کرکٹ کے دروازے کھل گئے، پاکستان میں انٹرنیشنل کرکٹ کی بحالی کیلئے کوشاں چیئرمین پی سی بی نجم سیٹھی نے لاہور میں پریس کانفرنس سے خطاب کرتے ہوئے عوام کو خوشخبری سنادی،۔

ان کا کہنا ہے کہ ورلڈ الیون کی ٹیم آئندہ ماہ پاکستان آرہی ہے۔ آئندہ دو سے تین روز میں ورلڈ الیون ٹیم میں شامل کھلاڑیوں کے نام سے آگاہ کردوں گا۔

انہوں نے بتایا کہ سری لنکن ٹیم نےبھی پاکستان آنے کی خواہش کا اظہار کیا ہے، انہوں نے کہا کہ سری لنکا کو منانا بہت مشکل کام تھا تاہم سری لنکن بورڈ نے دلیری سے فیصلہ لیا اور کہا ہم آئیں گے۔

انہوں نے کہا کہ ویسٹ انڈیز کی ٹیم نومبر میں پاکستان کا دورہ کرے گی، چیئرمین پی سی بی نے بتایا کہ ویسٹ انڈیز کی ٹیم 3 ٹی ٹوئنٹی میچز کھیلے گی،۔

پریس کانفرنس سے خطاب کرتے ہوئے نجم سیٹھی نے کہا کہ ویسٹ انڈیز کا دورہ ورلڈ الیون کی ٹیم کے کامیاب دورے سے مشروط ہوگا جب کہ ابھی تک کوئی غیر ملکی ٹیم لاہور کے علاوہ کسی اور شہر میں کھیلنے کے لیے تیار نہیں۔

انہوں نے کہا کہ پی سی بی کو پروفیشنل بنانا بہت بڑی ذمہ داری ہے، غیر ملکی ٹیموں کی سکیورٹی فنڈز کے علاوہ تمام اخراجات خود برداشت کریں گے۔

Print Friendly, PDF & Email

Comments

comments

یہ بھی پڑھیں