The news is by your side.

Advertisement

یوم نکبہ، فلسطین پر صیہونی قبضے کے 71 برس مکمل

ہزاروں فلسطینیوں کا اسرائیلی سرحد پر احتجاج

یروشلم : یوم نکبہ کے موقع پر غزہ اور شمالی فلسطینی علاقوں کے درمیان سرحدی دیوار کے قریب فلسطین پر اسرائیلی قبضے 71 سال مکمل ہونے پر ہزاروں فلسطینیوں نے احتجاج کیا۔

تفصیلات کے مطابق کل 15 مئی کو فلسطینیوں نے اپنے ملک پر صہیونی ریاست اسرائیل کے غاصبانہ قبضے کے خلاف یوم النکبہ کے حوالے سے جلسے جلوس اور ریلیوں کا انعقاد کیا۔

مقامی خبر رساں ادارے کا کہنا تھا کہ فلسطینی گذشتہ 71 برسوں سے سنہ 1948ء کی جنگ میں اپنے گھروں سے زبردستی نکالے جانے خلاف اور اپنے حقوق کے حصول کے لیے مناتے ہیں، غزہ اور شمالی فلسطینی علاقوں کے درمیان سرحدی دیوار کے قریب ہزاروں فلسطینیوں نے احتجاج کیا۔

فلسطینی میڈیا کا کہنا تھا کہ مظاہرے کا اہتمام حماس کی جانب سے کیا گیا تھا۔ اس موقع پر عام ہڑتال تھی اور مظاہروں کے شرکاء کی تعداد بڑھانے کے لیے اسکولوں میں عام تعطیل کی گئی تھی۔

خیال رہے کہ حماس گذشتہ ایک سال سے غزہ میں مصر اور اسرائیل کی جانب سے کی گئی علاقے کی ناکہ بندی کے خاتمے کے لیے احتجاج کررہی ہے۔

یاد رہے کہ ایک سال قبل فلسطین میں یوم النکبہ کے موقع پر مظاہروں کے دوران اسرائیلی فوج کے حملوں میں 60 سے زائد فلسطینی شہید ہوگئے تھے۔ تاہم رواں سال یوم نکبہ ایک ایسےوقت میں منایا گیا جب دو ہفتے قبل غزہ میدان جنگ بن چکا ہے۔

حالیہ ایام میں فلسطینی مزاحمت کاروں اور اسرائیل کے درمیان عارضی جنگ بندی بھی طے پاچکی ہے۔

مقامی میڈیا کا کہنا تھا کہ فلسطینی شہری ایک ایسے وقت میں یوم نکبہ منا رہے ہیں جب لاکھوں فلسطینی ملک سے باہرمشرق وسطیٰ کے ملکوں میں پناہ گزین کے طورپر رہ رہے ہیں۔ مشرق وسطیٰ میں فلسطینی پناہ گزینوں کی تعداد پچاس لاکھ سے زیادہ ہے۔

Comments

comments

یہ بھی پڑھیں