پسرور: بھارت اپنی آبی جارحیت سے باز نہیں آیا، نالہ ڈیک میں پانی چھوڑ دیا۔

تفصیلات کے مطابق بھارت نے آبی جارحیت کا ایک بار پھر مظاہرہ کرتے ہوئے نالہ ڈیک میں پانی چھوڑ دیا ہے جس سے نالے میں طغیانی کی کیفیت ہے۔

محکمہ آبپاشی کا کہنا ہے کہ نالہ ڈیک میں کنگرہ، چہور کے مقام پر 20 ہزار کیوسک کا ریلا گزر رہا ہے، اور مذکورہ مقام پر پانی کی سطح میں مسلسل اضافہ ہو رہا ہے۔

محکمہ آب پاشی نے پسرور میں چہور، ڈوگری، روپووالی، تمبو غالب، اور کالووالی سیداں کے علاقے زیر آب آنے کا خدشہ ظاہر کر دیا ہے، ضلعی انتظامیہ نے الرٹ بھی جاری کر دیا، ریسکیو کی امدادی ٹیمیں علاقوں میں پہنچ گئی ہیں۔