وفاقی حکومت نے پی ٹی آئی دورِحکومت کی وفاقی کابینہ ارکان کے نام ای سی ایل سے نکال دیے گئے۔
شہباز حکومت نے سابقہ حکومتی کابینہ ارکان سے متعلق بڑا فیصلہ کر لیا۔ ذرائع کے مطابق تحریک انصاف حکومت کے کابینہ ارکان پر بیرون ملک جانے کی عائد پابندی ختم ہو گئی۔
پی ٹی آئی دورِحکومت کی وفاقی کابینہ ارکان کے نام ای سی ایل سے نکال دیے گئے البتہ بانی پی ٹی آئی، بشریٰ بی بی، فرح خان، زلفی بخاری کے نام ای سی ایل میں برقرار ہیں۔
موجودہ وفاقی کابینہ نے پی ٹی آئی کابینہ ارکان کے نام ای سی ایل سے نکالنےکی منظوری دی ہے۔ وزیراعلیٰ خیبرپختونخوا علی امین گنڈاپور کا بھی نام ای سی ایل سے نکال دیا گیا ہے۔
سابق وفاقی وزراٗ غلام سرور، مرادسعید، پرویزخٹک، شفقت محمود، اعجازشاہ، علی زیدی، خسروبختیار، اعظم سواتی، اسدعمر، عمرایوب، محبوب سلطان، فواد چوہدری، فروغ نسیم اور شیریں مزاری و دیگر ارکان کے نام ای سی ایل سے نکالے گئے ہیں۔
وفاقی حکومت نے نیب کی سفارش پر نام ای سی ایل سے نکالنےکی منظوری دی ہے۔
