واشنگٹن : امریکہ کے ایوان نمائندگان کی اسپیکر نینسی پلوسی نے صدر ٹرمپ کے خلاف مواخذے کی کاروائی کا اعلان کردیا، صدر ٹرمپ نے اس اقدام کو ہراساں کرنے کے مترادف قرار دیا ہے۔
تفصیلات کے مطابق امریکی ایوان نمائندگان کی اسپیکر نینسی پلوسی نے صدرٹرمپ کے مواخذےکی کارروائی کااعلان کردیا، اقوام متحدہ میں میڈیا سے گفتگو میں نینسی پلوسی کا کہنا تھا کہ صدرآئینی اقدارکی خلاف ورزی کررہے ہیں، صدر کو لازمی طورپر جواب دہ ہونا چاہیے، کوئی قانون سے بالاتر نہیں۔
امریکی حکمراں جماعت ریپبلکن پارٹی کے رہنماؤں نے صدر ٹرمپ کے مواخذے کی مخالفت کردی، امریکی ایوان نمائندگان میں ری پبلکن پارٹی کےقائد میک کارتھی کا کہنا ہے کہ وقت آگیا ہے کہ عوام کو سیاست سے پہلے رکھا جائے۔
مواخذے کے اعلان کے بعد امریکی صدر ٹرمپ سماجی رابطے کی وہب سائٹ ٹویٹر پر ردعمل کا اظہار کرتے ہوئے کہا مواخذےکی کارروائی کاعلان صدرکوہراساں کرنے کے مترادف ہے۔
PRESIDENTIAL HARASSMENT!
— Donald J. Trump (@realDonaldTrump) September 24, 2019
یاد رہے 13 سمتبر کو امریکی ایوان نمائندگان کی عدالتی کمیٹی نے صدرٹرمپ کے مواخذے سےمتعلق تحقیقات تیز کرنے کی منظوری دی تھی اور کہا تھا کہ تحقیقات کی روشنی میں قانون ساز فیصلہ کرسکیں گے کہ صدرٹرمپ کے مواخذے کی سفارش کی جائے یا نہیں۔
مزید پڑھیں : امریکی ایوان نمائندگان میں صدر ٹرمپ کے مواخذے کی گونج
خیال رہے ایوان نمائندگان کے ایک سو پینتیس ڈیموکریٹ ارکان صدرٹرمپ کے مواخذے کے حامی ہیں، مواخذے کو کامیاب بنانےکے لیے دوسو اٹھارہ ووٹوں کی ضرورت ہے۔
