The news is by your side.

Advertisement

نندی پورکرپشن کیس تحقیقات کیلئے ایف آئی اے کے حوالے

اسلام آباد : حکومت نے نندی پورکرپشن کیس تحقیقات کیلئے ایف آئی اے کے حوالے کردی ، ایف آئی اے رقم کا دیگرکاموں میں استعمال اور فرنس آئل نقصانات پرتحقیقات کرے گی۔

تفصیلات کے مطابق وزیرتوانائی عمر ایوب نے سماجی رابطے کی ویب سائٹ ٹوئٹر پر اپنے پیغام میں کہا کہ نندی پورکرپشن کیس تحقیقات کیلئے ایف آئی اے کے حوالے کردی ہے۔

عمرایوب کا کہنا تھا کہ ن لیگ نےفیول سپلائی ادائیگی کیلئے 80 ارب نندی پورتعمیرمیں استعمال میں کیا ، پی ایس او کو 80 ارب روپے کی ادائیگی نہ کر کے نندی پور پاور پلانٹ کی تعمیر کی گئی ، سیکریٹری پاور ڈویژن کو ہدایت کی معاملہ ایف آئی اے کے حوالے کیا جائے۔

وزیرتوانائی نے مزید کہا کہ ایف آئی اے رقم کادیگرکاموں میں استعمال،فرنس آئل نقصانات پرتحقیقات کرے گی، یہ فنڈز کے غلط استعمال کا کیس ہے،وزیرتوانائی عمر ایوب کا ٹوئٹ

یاد رہے کہ اسلام آباد کی احتساب عدالت نے نندی پور پاور پراجیکٹ میں تاخیرسےمتعلق ریفرنس میں بابراعوان کو 25 جون کو بری کردیاتھا جبکہ سابق وزیراعظم راجہ پرویز اشرف کی بریت کے حوالے سے دائر درخواست مسترد کردیں تھیں۔

خیال رہے نیب کے مطابق پیپلزپارٹی کے دور حکومت میں وزراء کی ملی بھگت سے نندی پور پاور پراجیکٹ منصوبے میں 2 سال کی تاخیرہونے سے قومی خزانے کو 27 ارب کا نقصان پہنچا تھا۔

نندی پور پاور پراجیکٹ کیس میں سابق وزیراعظم راجہ پرویز اشرف، سابق وزیرقانون بابراعوان، سابق سیکریٹری قانون اور دیگر پر فرد جرم عائد ہوچکی تھیں۔

Comments

یہ بھی پڑھیں