ننکانہ صاحب: دریائے راوی میں کشتی الٹنے سے سوسے زائدافراد لاپتہ ہوگئےتھےجن میں سے 50افراد کوبچالیاگیا ہےجبکہ باقی افراد کی تلاش کے لیے پاک فوج کے غوطہ خوروں کی امدادی کارروائیاں جا ری ہیں۔
تفصیلات کےمطابق دریائے راوی میں ڈوبنے والی کشتی میں لاپتہ ہونے والے50افراد کو بچالیاگیاہے،جبکہ ریسکیوٹیموں اور پاک فوج کے جوانوں کی جانب سے باقی افراد کی تلاش کےلیے ریسکیو آپریشن جاری ہے۔
دریائے راوی میں ڈوبنے والی کشتی سیداں والاسےاوکاڑہ کےگاؤں جندراکہ جارہی تھی،پانی کے بہاؤ اور،اوورلوڈنگ کے باعث کشتی بےقابوہوالٹ گئی۔
خیال رہےکہ گزشتہ روز آئی ایس پی آر کا کہناتھاکہ آرمی چیف جنرل قمر باجوہ نے ننکانہ صاحب میں ہونے والے کشتی حادثے کے حوالے سے سرچ آپریشن کی خصوصی ہدایات جاری کیں۔
#COAS directs special search effort for victims of capsized boat near Nankana Sahib. Army divers team moved for search operation.
— Maj Gen Asif Ghafoor (@OfficialDGISPR) February 3, 2017
آرمی چیف کی ہدایت کے بعد پاک فوج کے غوطہ خوروں کی خصوصی ٹیم جائے وقوعہ پر ریسکیو کے لیے پہنچ اور لوگوں کی تلاش کا کام شروع کردیاتھا۔
واضح رہےکہ دریائے راوی میں ڈوبنے والی کشتی کے مالک سمیت دو افرادکوگرفتارکرلیاگیا،جبکہ کشتی کے دیگردومالکان فرار ہوگئے۔
