ننکانہ صاحب: شہری سے واردات کرکے فرار ہونیوالے دو نامعلوم ملزمان مبینہ طور پر اپنے ہی ساتھیوں کی فائرنگ سے ہلاک ہو گئے۔
تفصیلات کے مطابق ننکانہ صاحب میں شہری نے 15 پر کال کر کے اطلاع دی کہ 4 نامعلوم ملزمان اسلحہ کے زور پر موٹر سائیکل اور نقدی وغیرہ چھین کر فرار ہوگئے ہیں، 15 کی کال پر تھانہ صدر ننکانہ کے علاقہ میں نائٹ گشت پر موجود پولیس ٹیموں نے ملزمان کی گرفتاری کیلئے فوری طور پر ناکہ بندی کی۔
ترجمان نے بتایا کہ پولیس کے تعاقب کرنے پر تختو والا دس مربع روڈ کے قریب مبینہ طور پر ملزمان نے پولیس پر فائرنگ شروع کر دی، جوابی فائرنگ کے دوران دو نامعلوم ملزمان مبینہ طور پر اپنے ہی ساتھیوں کی فائرنگ سے ہلاک جبکہ دو فرار ہو گئے۔
پولیس ترجمان کے مطابق ہلاک ہونیوالے ملزمان کے قبضہ سے دوران واردات چھینا گیا موٹر سائیکل نقدی اور اسلحہ برآمد کرلیا گیا، ساتھ ہی ملزمان کی شناخت کا عمل جاری ہے۔
کراچی میں لوٹ مار میں ملوث گرفتار گینگ کے سنسنی خیز انکشافات
