The news is by your side.

Advertisement

اپنے ہی لوگ بھارتی فوج کا مذاق اڑارہے ہیں، نریندر مودی کی جھنجھلاہٹ

نئی دہلی : بھارتی وزیراعظم نریندر مودی نے اعتراف کیا ہے کہ سیاست کی وجہ سے بھارت کا بڑا نقصان ہوا ہے، دکھ ہوتا ہے جب اپنے ہی لوگ ہماری فوج کا مذاق اڑاتے ہیں۔

ان خیالات کا اظہار انہوں نے نئی دہلی میں ایک تقریب سے خطاب کرتے ہوئے کیا، بھارتی وزیراعظم کا کہنا تھا کہ آج رافیل طیاروں کی کمی بھارت نے شدت سے محسوس کی ہے، رافیل طیارے ہوتے تو نتائج کچھ اور ہوتے۔

نریندر مودی کا مزید کہنا تھا کہ سیاست کی وجہ سے بھارت کا بڑا نقصان ہوا ہے، دکھ ہوتا ہے جب اپنے ہی لوگ ہماری فوج کا مذاق اڑاتے ہیں، کچھ پارٹیاں اس معاملے پر سیاست کرتی ہیں۔

انہوں نے کہا کہ ان کے بیان کو بھارت کے خلاف استعمال کیا جاتا ہے، ایسے ہی لوگ بھارت کو نقصان پہنچا رہے ہیں، نریندرمودی نے سوال کیا کہ کیا آپ لوگوں کو ہماری فوج کی باتوں پریقین ہے یا نہیں؟ بھارت کو کمزور کرنا بند کردیجیے۔

مزید پڑھیں: بھارت کی اہم شخصیات کا وزیراعظم عمران خان کو خراجِ تحسین پیش

واضح رہے کہ گزشتہ کئی دنوں سے جاری بھارت کے جنگی جنون کے باعث دونوں ممالک کے عوام ذہنی طور پر پریشان ہیں، پاکستان کی جانب سے بار بار امن کے پیغام کے باوجود بھارتی حکومت اپنی ہٹ دھرمی پر قائم ہے۔

یہی نہیں نریندر مودی اور بھارتی میڈیا کو اس کے جنگی جنون پر بھارت کا سنجیدہ طبقہ تنقید کا نشانہ بھی بنا رہا ہے اس کے علاوہ وزیر اعظم عمران خان کے امن کیلیے اٹھائے گئے اقدامات کو بھی سراہا جا رہا ہے ،بھارت کی اہم شخصیات نے وزیراعظم عمران خان کو خراج تحسین پیش کیا جبکہ مودی کوشدید تنقید کا نشانہ بنایا۔

Comments

comments

یہ بھی پڑھیں