نئی دہلی : بھارتی وزیر اعظم نریند رمودی نے جشن عید میلاد النبی ﷺ کے موقع پر بھارت کے تمام مسلمان باشندوں کو مبارکباد پیش کی ہے ان کا کہنا ہے کہ اس موقع پر عوام کے درمیان فرقہ وارانہ ہم آہنگی اور قیام امن کیلئے سب کو مل کر جدوجہد کرنا چاہئے۔
ان خیالات کا اظہار انہوں نے نئی دہلی میں پروگرام من کی بات کے38ویں ایڈیشن کی تقریب سے خطاب کرتے ہوئے کیا۔
بھارتی نجی ٹی وی چینل کے مطابق نریندر مودی کا کہنا تھا کہ کچھ دن بعد دنیا بھر میں مسلمانوں کے پیغمبر حضرت محمد صاحب ﷺ کی پیدائش کا جشن منایا جانے والا ہے۔
عید میلادالنبی ﷺ کے مقدس موقع پر میں بھارت کے تمام مسلمانوں کو مبارکباد پیش کرتا ہوں اور امید کرتا ہوں کہ اس موقع پر عوام کے درمیان فرقہ وارانہ ہم آہنگی اور ملک میں قیام امن کیلئے سب مل کر کام کریں گے۔
مزید پڑھیں: تیر ہاتھ میں رہ گیا، راون کا مودی کے ہاتھوں جلنے سے انکار
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
