نئی دہلی : بھارت میں مودی حکومت کو پیٹرول، ڈیزل اور گیس کی قیمتوں میں بے تحاشا اضافے پر عوام کی جانب سے شدید تنقید کا سامنا کرنا پڑرہا ہے۔
بھارت میں اپوزیشن کی بڑی جماعت کانگریس مہنگائی سے متعلق مسلسل مودی حکومت پر حملہ کر رہی ہے اور آج راہل گاندھی سمیت پارٹی کے کئی رہنماؤں نے ایل پی جی گیس سلنڈر کی بڑھتی قیمتوں پر اپنے شدید ردعمل کا اظہار کیا ہے۔
کانگریس رہنماؤں نے اس مہنگائی پر مودی حکومت کو "دی گریٹ رابری” (بڑی ڈکیتی) کا الزام عائد کرتے ہوئے اپنی کڑی تنقید کا نشانہ بنایا ہے۔
Janta gets another “injection dose” of Price Rise from BJP as Cylinder price once again rises by ₹25 making it 6th consecutive rise in 2 months (Cylinder ₹225 expensive in 2 months).
Rising GDP (Gas Diesel Petrol) Prices can now easily be classified as “The Great Robbery”
— Jaiveer Shergill (@JaiveerShergill) March 1, 2021
اس حوالے سے کانگریس کے ترجمان جے ویر شیرگل نے سماجی رابطے کی ویب سائٹ ٹوئٹر پر مودی حکومت پر تنقید کرتے ہوئے مہنگائی کے اس اقدام کو "دی گریٹ رابری” قرار دیا ہے۔ انہوں نے اپنے ایک ٹوئٹ میں لکھا ہےکہ عوام کو مہنگائی کے ایک اور "انجکشن کی خوراک” بی جے پی سے ملی ہے۔
سلنڈر کی قیمت میں ایک بار پھر 25 روپے کا اضافہ ہوا ہے۔ 2 مہینے میں یہ لگاتار چھٹی بار اضافہ ہوا ہے۔‘‘ ساتھ ہی انھوں نے یہ بھی لکھا کہ گیس، ڈیزل، پٹرول (جی ڈی پی) کی بڑھتی قیمتوں کو اب ’دی گریٹ رابری‘کہا جاسکتا ہے۔
راہل گاندھی نے بھی ایل پی جی گیس سلنڈر کی بڑھتی ہوئی قیمت کے بعد جو ٹوئٹ کیا ہے اس میں مودی حکومت پر حملہ آور انداز اختیار کرتے ہوئے لکھا گیا ہے کہ ایل پی جی سلنڈر کی قیمت پھر بڑھ گئی۔ عوام کے لیے مودی حکومت کے اختیارات ، کاروبار بند کرو، چولہا پھونکو۔
