ابوظبی: بھارتی وزیر اعظم نریندر مودی کا دورہ متحدہ عرب امارت جاری ہے، وہ کل یو اے ای پہنچے تھے جہاں ان کا زبردست استقبال کیا گیا۔
غیر ملکی میڈیا رپورٹس کے مطابق نریندر مودی متحدہ عرب امارات کے دورے پر ہیں، ابوظبی میں یو اے ای کے صدر نے ان کا استقبال کیا اور دو طرفہ امور پر تبادلہ خیال کیا۔
متحدہ عرب امارات کے صدر شیخ محمد بن زید آل نہیان کا کہنا ہے کہ بھارت کے ساتھ کاروباری، دفاعی اور ثقافتی روابط کو مزید بڑھانے کی امید رکھتے ہیں۔
- Advertisement -
واضح رہے کہ آج بھارتی وزیر اعظم ابوظبی میں مندر کا افتتاح کریں گے، یہ مندر دبئی کو ابوظبی سے ملانے والی مرکزی شاہراہ کے بالکل قریب ہے۔ مودی کے اعزاز میں منعقدہ ایک تقریب میں انھوں نے عربی کے بھی چند الفاظ بولے، جس پر سامعین خوب محظوظ ہوئے۔
