بھارتی فلم انڈسٹری کی معروف اداکارہ نرگس فخری نے رنبیر کپور اور شاہد کپور کے ساتھ ڈیٹنگ کی افواہوں پر رد عمل کا اظہار کیا ہے، انہوں نے کہا کہ مجھے تو یہ بات ذہنی دیوالیہ پن لگتی ہے۔ اداکارہ نے اس طرح کی تمام خبروں کی تردید کردی۔
نرگس فخری نے رنبیر کپور اور شاہد کپور کے ساتھ ڈیٹنگ کی افواہوں کے حوالے سے حال ہی میں بھارتی میڈیا کے ساتھ ایک انٹرویو میں اپنی خاموشی توڑتے ہوئے کہا کہ اس طرح کی باتیں بالکل بے بنیاد ہیں۔
اداکارہ کا کہنا تھا کہ ایک وقت تو ایسا بھی تھا جب ایک مضمون میں یہ دعویٰ کیا گیا کہ میں شاہد کپور کے فلیٹ میں شفٹ ہوگئی ہوں اور میری والدہ شاہد سے ملنے بھی آئیں۔ جس کے بعد لوگ مجھ سے اس حوالے سے سوالات کرتے تھے۔
نرگس فخری نے اس پر مایوسی اور غصے کا بھی اظہار کیا اور کہا کہ مجھے فلم انڈسٹری کے ہر دوسرے شخص کے ساتھ جوڑ دیا جاتا ہے اور یہ سب کچھ مجھے بڑا عجیب اور ذہنی دیوالیہ پن لگتا ہے۔
واضح رہے کہ نرگس نے راک اسٹار کے بعد کئی فلمیں کیں جن میں مدراس کیفے، پھٹا پوسٹر نکلا ہیرو، میں تیرا ہیرو، کک اور ہاؤس فل تھری شامل ہیں۔
جبکہ وہ اس سال فروری میں ریلیز ہونے والی فلم شیو شاستری بلبوا میں شامل تھیں جس میں انکے ساتھ انوپم کھیر اور نینا گپتا شامل ہیں۔
کس پیچیدہ بیماری نے نرگس فخری کو اذیت میں مبتلا کردیا؟
44 سالہ نرگس فخری نے 2011 کی امتیاز علی کی رومانوی ڈرامہ فلم ’راک اسٹار‘ سے اپنے ہندی فلمی کیریئر کا آغاز کیا تھا جس پر انہیں فلم فیئر ایوارڈ برائے بیسٹ فیمیل ڈیبیو کے لیے نامزد کیا گیا تھا۔
