The news is by your side.

Advertisement

سلامی میں اسلحہ ملنے پر دلہا مشکل میں پھنس گیا

شادی کی تقریبات میں دلہا دلہن کو دوستوں اور عزیزوں کی جانب سے تحائف یا لفافے دیے جاتے ہیں لیکن نارروال میں دلہے کو دوستوں کی جانب سے سلامی میں اسلحہ دیا گیا جو اس کے لیے مشکل کا باعث بن گیا۔

اے آر وائی نیوز کے مطابق نارووال کے علاقے ڈومالہ میں شادی میں دوستوں نے دلہے کو رقم کی بجائے نائن ایم ایم پستول اور 44 بور گن کی سلامی دی۔

دلہے کے دوستوں کی سلامی کی ویڈیو سوشل میڈیا پر وائرل ہوئی تو ڈی پی او نے نوٹس لے لیا۔

مزید پڑھیں: شادی کی خوشی میں دلہن کی ہوائی فائرنگ

ڈی پی او کے نوٹس لینے پر پولیس نے کارروائی کرتے ہوئے عدیل نامی دلہے کو گرفتار کرلیا، پولیس کا کہنا ہے کہ دلہے عدیل سے اسلحہ اور گولیاں برآمد کرکے مقدمہ درج کرلیا گیا ہے۔

پولیس کا بتانا ہے کہ گرفتار دلہے کی 11 مارچ کو ڈومالہ میں شادی ہوئی تھی۔

Comments

یہ بھی پڑھیں